Благодарение на вселенските летала, патувањето од Лондон до Сиднеј би можело да трае пократко отколку патувањето со воз од Лондон до Манчестер...

Холанѓанецот Михаел Мол, сопственик на тим во Формула 1, се здружил со авиокомпанијата КЛМ на проект кој, како што велат, ќе направи револуција во воздушниот сообраќај бидејќи вселенските авиони ќе ги поврзат било кои два града на планетата за помалку од два часа.

Ова летало ќе биде во состојба да развие брзина од 22.500 километри на час. По пробивањето на звучниот ѕид и искачувањето на надморска височина од околу 60 километри, авионските мотори ќе се исклучат и ќе продолжи да се искачува на надморска височина од 100 километри, а потоа постепено ќе се спушта до границата од 60 километри каде повторно ќе се вклучат моторите, ќе влезе во земјината атмосфера и ќе слета на аеродромот.

Леталото се нарекува Space Expedition Curaçao, кое ако се спореди со "Вирџин Галактик" (Virgin Galactic) на британскиот милијардер Ричард Бренсон, ќе биде со пониска цена за лет. Летот ќе чини 60.000 фунти што е за половина поефтино од цената на Virgin Galactic.