„Кога би нашле совршено дебело дете кое би го глумело Картмен, можеби South Park би го претвориле во филм“, велат творците на анимираната серија...

Петнаесетата сезона на култната анимирана серија почна да се емитира синоќа на MTV каналот, а креаторите Мет Паркер и Треј Стоун нè предупредија што ќе гледаме.

Најпознатите жители на Колорадо, Ерик Картмен, Кајл Брословски, Стен Марш и Кени Мекормик, оваа година „жестоко ќе го исмеваат британското кралско семејство и венчавката на векот, но и сериозно ќе се позанимаваат со прашањето за стареењето“, порачуваат креаторите.

Иако се среќни што „светот кој им се променил сам ја пишува веќе петнаесетата сезона“, креаторите на серијата не размислуваат за тоа работите да ги пренесат на повисоко ниво и евентуално да ангажираат „вистински актери да снимат филм“.

„Мислам дека тоа не би функционирало добро, но кога би биле во шанса да најдеме совршено дебело дете кое би личело на Картмен, тоа би било фантастично. Можете ли да замислите вистински Картмен?!“