Кинез во шок гледал како неговата девојка го голта колачот во кој скрил златно ланче...

Шаио Ли (22) ѝ купил на својата девојка Ванг Куе (22) златно ланче вредно неколку стотини долари за роденден. За забавата во нејзиниот стан во Кингдау, во провинција на Шангдонг, подготвил посебно изненадување - ланчето го скрил во роденденскиот мафин колач.

Меѓутоа, Ванг очигледно на забавата дошла гладна, затоа што колачот го проголтала во само еден залак, на општо запрепастување од страна на нејзиниот дечко.

„Мислев дека ќе го грицне колачот и ќе го види сјајот на златото, а таа го проголта целиот мафин како прегладнета волчица, дури не ни џвакаше! Морав веднаш да ѝ кажам што проголта и ја однесов во болница“, рече младичот.

Лекарите ја снимиле Ванг со рендген и морале со сонда да ѝ го извадат ланчето од желудникот.

„Не сум сигурен дека ќе сака да го носи, иако темелно го исчистив“, вели потиштениот Шаио.