Мексиканскиот свештеник Хуан Рамон Ернандес ги благословувал верниците со пиштол наполнет со света вода...

Растажен од насилството на земјата, отец Ернандес одлучил да го крене гласот и да заземе став, па за време на мисата во црквата во Акатлан ги благословувал собраните верници со света вода од пластичен пиштол на вода.

„Да се помолиме да се промени срцето на оние кои користат насилство и ги убиваат другите луѓе. Да го фрлиме сето оружје“, рече свештеникот, предизвикувајќи смеа кај децата кои дошле да земат прва причест.

Насилството станало вообичаена појава ширум Мексико од почетокот на владината кампања за разбивање на трговијата со дрога.

Околу 42.000 луѓе се убиени откако во 2006 година претседателот Фелипе Калдерон им прогласил војна на наркодилерите.