Петгодишното џуџесто кученце наречено Бу, има речиси два милиони фанови на Фејсбук...

Сопственичката на Бу е од Америка, но откако нејзиното милениче на Фејсбук добило 1,9 милиони фанови, го крие својот идентитет и точна локација. Таа за Time изјави дека неговата страница на социјалната мрежа ја направила за шега, но дека била запрепастена со брзината на реакцијата на јавноста.

„Почнаа да му прават вистински страници за обожаватели, а луѓето ‘откачија’ на неговите фотки“, рече таа.

Тајната на „шармот“ на Бу е во необичната фризура, затоа што крзното му било долго и толку густо што било невозможно да се чешла, па сопственичката му го избричала телото, а ги оставила влакната на главата, што му дава пуфнаст изглед.

Бу моментално заедно со сопственичката ја промовира „својата“ книга, „Животот на најслаткото куче на светот“, која содржи негови фотографии во најразлични изданија.

Запознајте го Бу.