Книгата на Марк Твен со голи илустрации прв пат се најде на полиците на една библиотека во американската држава Масачусетс откако од неа е тргната забраната стара повеќе од 100 години...

Управата на една библиотека во Чарлтон во почетокот на оваа недела ја тргна забраната од „Дневникот на Ева“, сатирична верзија на приказната за Адам и Ева од Марк Твен, која била во сила од 1906 година.

Една од двете копии на книгите кои вчера стигнале во библиотеката веднаш наишла на читател.

„Мислам дека овој наслов ќе биде многу баран“, рече претставничката на библиотеката, додавајќи дека одлуката за укинување на забраната била донесена едногласно.

Управата на библиотеката дознала за забраната благодарение на статијата објавена во локален весник и минатата година успеала да дојде до копии од првото издание на книгата која некогаш ќе биде изложена во рамките на просториите на библиотеката.

Книгата, објавена во 1906 година, забранета е поради илустрациите на кои Ева е прикажана гола, додека Адам е покриен.

Дознавајќи за забраната, Твен во едно писмо напишал дека „никој не им дава значење на изродите од библиотеката во Чарлтон“.