Парите можеби го движат светот, но предизвикуваат и засилено лачење на плунка кај луѓето, покажа една нова студија...

Студијата спроведена на студенти покажала дека и самото гледање во парите кај луѓето предизвикува засилено лачење на плунка, силина која зависи од состојбата на умот на личноста во тој момент.

Студијата ја спровел Дејвид Гал, професор по маркетинг на еден универзитет.

Професор Гал на студентите им рекол да погледнат различни фотографии додека во устата имале тампони од памук како оние кои ги користат стоматолозите. Откако завршиле со гледање на фотографиите ги собрал тампоните и ги измерил за да види колку плунка впиле.

Открил дека најмногу плунка лачеле стдентите кои гледале фотографии од пари. А бидејќи парите и сексот секогаш се поврзани, професор Гал ја испитал и таа релација. Едната група ја замолил да замисли како оди на фризер, а на другата група студенти им покажал слики од атрактивни девојки и ги замолил да кажат со која би сакале да излезат на состанок. На крај на студентите од двете групи им покажал фотографии од спортски автомобили. Што мислите која група повеќе лачела плунка на сликите од автомобили? Се разбира, оние кои претходно гледале слики од згодни девојки.

Професор Гал дошол до заклучок дека самата помисла на пари и луксузни работи го активира истиот невролошки систем како и водењето љубов. Тоа го поткрепува мислењето на некои научници дека многу луѓе не сакаат пари поради сигурност, туку поради моќ и сексуална пожелност.