На прашањето какви донатори на сперма се најмалку „ин“, одговорот би бил црвенокоси. Тоа на јавноста и го пренесе најголемата данска банка за сперма, со франшизи ширум светот, откако ја пополнила квотата на црвенокоси мажи чија сперма е на дното на пописот на саканите физички особини на идните самохрани мајки...

Најголемата данска банка за сперма, Cyros, поради слабата побарувачка престанала да прима донаторска сперма од црвенокоси мажи. Денеска барањата на жените при одбирањето на совршена сперма се очигледно значително побројни од порано.

Физичките предиспозиции за неродените бебиња се сè попрецизни, а висината, тежината и бојата на очите се само почетна точка при бирањето на идеален донатор.

Банката ја пополнила квотата на сперма од црвенокоси мажи, а на чекање се ставени дури 600 мажи со таква боја на косата кои би донирале.

„Луѓето не сакаат дете со црвена коса, освен ако некој од корисниците сам нема црвена коса или ако, на пример, жената планира да биде самохрана мајка и сака баш црвенокосо дете“, рече директорот на Cyros, Оле Шчоу.