Илјада Израелци на крајбрежјето на Мртво море учествуваа во масовното нудистичко позирање на уметникот Спенсер Туник...

Туник за својата нова, нудистичка фото сесија избра мажи и жени од 17 до 77 години, и сите заедно позираа рано наутро на плажата чија локација не е откриена за некоја верска група да не го попречува фотографирањето.

Уметникот на новинарите им рече дека неговиот проект немал никаква намера да предизвика реакции на верски групи, како и дека немало врска со конфликтите на тоа подрачје.

„Целта на фотографирањето е праќање порака за загрозеноста на човековата околина. Се надевам дека луѓето ќе сфатаат дека со тоа јас само сакам да предупредам на еколошките катастрофи кои ги предизвика човекот.“

Туник и порано на јавни места фотографираше голи луѓе, а неговиот најголем проект е снмањето на 18.000 луѓе во Мексико Сити во 2007 година.