На Фил Фог му требале дури 80 дена да го обиколи светот, а со напредната технологија денес тоа може да се изведе за една минута...
Ова видео е компилација на фотографии кои ги снимале астронаутите на Меѓународната вселенска станица која се наоѓа околу 350 километри над површината на земјата.
Научникот Џејмс Дрејк земал дури 600 фотки и ги споил во неверојатен краток филм. Патувањето започнува над Пацификот, продолжува преку Северна и Јужна Америка и завршува на Антарктикот.
На снимката можат да се видат Ванкувер, Сиетл, Портланд, Сан Франциско, Лос Анџелес, Феникс, Хјустон, Мексико Сити, Заливот, Полуостровот Јукатан, громови над Пацификот, Гватемала, Панама, Колумбија, Еквадор, Перу, Чиле и реката Амазон.
