Иако цел свет го зафати економска криза, најбогатите луѓе во светот не обраќаат многу внимание на тоа и за своите играчки плаќаат по милиони долари...

Maгазинот "Business Insider" направиле листа на "играчки" кои се купени во оваа година, а меѓу нив се ретки автомобили, уметност, антиквитети и понекој реквизит од филмска класика.

Леонардо Дикаприо станал сопственик на првиот луксузен хибриден автомобил "Fisker Karma". Почетната цена за овој автомобил е 100.000 долари.

Доналд Трам 100 милиони долари платил за "Boing 757" во кој се е од злато. Ко-основачот на компанијата Мајкрософт, Пол Ален е страствен колекционер на авиони од Втората светска војна. Во неговата колекција има авиони од 12 милиони долари.

За разлика од Пол, кој сака да си игра со авиони, режисерот Џорџ Лукас има пожарна на својот имот во која работат 12 пожарникари, неколку волонтери и две противпожарни возила. Иако немаат работа, тие секој ден вежбаат.

И додека си играат на земјата, основачот на "Амазон", Џеф Безоз финансирал производство на вселенски брод, но сеуште не успеал со него да одлета во вселената, бидејќи пробниот лет завршил катастрофално.

Богатството на Стивен Спилберг се проценува на три милијарди долари. Тој поседува и најголема колекција на реквизити од филмската класика.