Не го стори тоа намерно, само претисна на погрешно место и... упс!

Муштериите во продавницата за велосипеди во Калифорнија доживеале шок кога една бабичка со својот автомобил влетала меѓу рафтовите.

Снимката од сигурносната камера ги прикажува муштериите во продавницата Rock N' Road кои со чиста среќа успеаа да се тргнат и да ја избегнат судбината под тркалата на автомобилот.

До несреќното влетување низ излогот дошло кога старицата наместо кочниците ја претиснала гаста. Нејзиниот Кадилак го пробил излогот, влегол во продавницата и застанал треснувајќи се во ѕидот. За среќа, никој од присутните во тој момент, вклучувајќи ја и старицата, не е повреден.

„Бев шокиран! Се се случи многу брзо. Слушнав бука и кршење на стакло. Автомобилот влета во продавницата како испукан со топ!“, рече продавачот Џон Бејн.

Полицијата изјави дека е среќа што инцидентот не се случил за време на викенд кога во оваа продавница има многу повеќе купувачи.