Ви претставуваме неколку места каде што ќе си поминете одлично и без придружба. Змејови, древните маи, Светата земја, модни бутици и нови познанства - сето ова само за осамени авантуристи...

Барселона - шопинг, Пикасо и хамон

Ако се одлучите да ја посетите каталонската престолнина не довоумете се и направете го тоа сами. Партнерот нема да ги издржи бескрајните обиколки по улицата Passeig de Gracia на која има бутици на Armani, D & G, Luis Vuitton, MaxMara, Gucci, Mango и Zara. На најдобрата пријателка сигурно ќе и здосади од турнејата по булеварот Рамблас со неговите улични уметници или од средновековните згради во Готскиот кварт.

Во Барселона не заборавајте да се упатите кон легендарниот пазар Бокерија, каде се продаваат најмногу свежи плодови, месни деликатеси (како шунката хамон) и десерти. Потоа каснете во ресторанот Ca L'Isidre, кој често е посетуван од кралот. Со шпанската кујна девојките можат да не бидат загрижени за својата фигура - основа на сите јадења најмногу се свежи производи, маслиново масло и ароматични зачини.