Харпер Севен Бекам е на врвот на листата на славни личности помлади од 25 години...

Малечката Харпер Севен има само два месеци, а веќе се најде на првото место на листата на „жешки“ познати помлади од 25 години, која ја составуа британското списание In Style.

Можеби и понатаму е во пелени, но ги надмина ѕвездите како Џастин Бибер и Ријана.

„Дали ќе биде поп ѕвезда, дизајнерка или ќе се занимава со спортот? Во секој случај, ќерката на Дејвид и Викторија Бекам ќе наследи фантастична гардероба и ќе ужива во заштитата на тројца згодни постари браќа“, пишува In Style.

На листата се и тригодишниот Зума и петгодишниот Кингстон, децата на Гвен Стефани и Гевин Роздејл, а четврта е петгодишната Сури Круз, ќерката на Том Круз и Кејти Холмс.

In Style меѓу познатите ги вклучува и десетгодишниот сликар Кирон Вилијамс, единаесетгодишната американска пејачка Џеки Еванчо, како и Вилоу и Џејден Смит, децата на Вил Смит и Џајда Пинкет.

Првите десет ги заокружуваат сестрите актерки Ел и Дакота Фенинг, а на списокот на најголеми славни личности помлади од 25 години се уште и ќерката на Мадона, Лурд (на 15 место), пејачот Џастин Бибер (на 18 место) и Ема Ватсон (на 44 место).