Шпанската полиција соопштила дека исчезнатиот дијамант, вреден околу 12.000 евра, е пронајден во стомакот на осомничениот за негова кражба...

Кражбата ја пријавил еден британски турист кој во полицијата раскажал дека чантата со скапоцен камен му ја грабнале двајца убаво облечени мажи при влегувањето во ресторанот на плажа во летувалиштето Марбеља.

Полицијата подоцна застанала автомобил со четири мажи со криминални досиеа и ја нашле украдената чанта во автомобилот.

На полицајците не им избегало дека еден од осомничените ја ставил раката на устата, како нешто да крие. Веднаш е однесен во болница каде што на рендген снимка е видено дека дијамантот му е во стомакот.