Гол полжав предизвикал сообраќаен хаос во еден англиски град, откако доползил во еден семафор и предизвикал краток спој...

Инцидентот се случил минатиот петок кога, по изненадното гасење на семафорот, сообраќајот бил прекинат на една прометна раскрсница во Дарлингтон, во североисточна Англија.

Инжењерите кои се повикани да откријат во што е проблемот, откриле мртов полжав во контролната кутија на семафорот.

„Полжавот некако успеал да се вовлече во контролниот механизам, да се качи на прекинувачот каде што се испржил“, рече претставникот на Дарлингтон.

Во меѓувреме, проблемот бил поправен, семафорот повторно работи, а сообраќајот се одвива непречено.