Женка орангутан во една малезијска зоолошка градина е позната по уживањето во цигарите кои и ги даваат посетителите. Меѓутоа, ќе мора да се ослободи од лошата навика...

Претставниците на властите ја преместиле возрасната женка Ширли од државната градина во јужната држава Џохор кога е проценето дека таа и уште неколку животни живеат во лоши услови, а Ширли уште и пушела по речиси цела кутија цигари дневно.

„Пушењето не спаѓа во нормалното однесување на орангутанот и не можам да кажам дека стана зависник, но веќе стекна навика затоа што почна да ги имитира посетителите“, изјави управникот на зоолошката градина, Мелак Ахмат Азар Мохамед.

Ширли сега е во карантин во друга зоолошка градина во соседната држава и се очекува дека во рок од неколку недели ќе биде испратена во центарот за грижа за животни на островот Борнео.