Твитер моментално има повеќе од 100 милиони регистрирани активни корисници, кои на него се приклучуваат најмалку еднаш месечно...

Се повеќе корисници на Твитер пристапуваат преку некој од преносливите уреди, така што, како што изјави извршниот директор на таа социјална мрежа Дик Костоло, бројот на конекции преку преносливи уреди се зголемува за повеќе од 40% секои три месеци, веќе година дена.

Бројот на активни корисници на Твитер се зголеми за 82% од почетокот на 2011 година, а 40% од нив читаат пораки, но лично не ги објавуваат, пренесува француската агенција AFP.

Бројот на посети надминува 400 милиони дневно, додека во почетокот на годината биле 250 милиони посети дневно, а уште има многу луѓе кои немаат профил на Твитер, но го користат секојдневно, наведе Костоло, потпирајќи се на податоците добиени преку Гугл.

Бројот на пораки кои циркулираат низ Твитер достигнале број во просек 230 милиони дневно, што претставува пораст од 110% од почетокот на годината.

Костоло го истакна и напредокот на Твитер врзан за неговите перформанси, како и дека таа интернет страница, која минатиот месец објави нови финансирања во висина од 400 милиони долари, не чувствува никаков притисок за влегување на берзата.