Берген се наоѓа на југозападниот брег на Норвешка, во Хордалан...
Берген е опкружен со група планини познати по името "седумте планини".
Градот е еден од најтоплите градови во Норвешка, благодарение на течението на Голфската струја. Температури од 10 степени во комбинација многу често со дожд можат да се набљудуваат како во јануари така и во јули.
Без разлика дали преминувате во некој од мостовите што ги поврзуваат островите во западното крајбрежје на Норвешка или се движите во тунел на стотици метри под морското ниво, нема како да го поминете фактот дека овде природата тука е бескопромисно сурова и ледено убава.
А највосхитувачки е тоа што луѓето успеваат не само да живеат во хармонија со неа, туку и да ја претворат во Ногре (како и што ја нарекуваат) и во една од земјите со највисоки стандарди во светот.
Воз по ридот
За да направите најубава слика на Берген и да уживате во 360 степени панорамска глетка на градот, треба да фатите воз. Но, не каков и да било, туку Floibanen кој претставува единствената јажена железничка во Скандинавија.
Отворена во 1918 година, денес таа превезува над милион и 200 илјади луѓе годишно. Двата вагони на Floibanen ќе ве однесат до врвот Floyen - на 320 метри над морето.
Самото патување започнува од центарот на градот - на 150 метри од рибниот пазар и трае околу 7 минути. Сепак, кога ќе се најдете на врвот и денот е доволно сончев, задолжително е да го извадите апаратот. Ако веќе имате повеќе време, можете да каснете во ресторанот, да добиете сувенир или едноставно да се прошетате наоколу.
Природна архитектура
Вториот по големина град во Норвешка не случајно се нарекува "Кралство на фиордите".
Тука овие неверојатни природни знаменитости се многу важен дел од пејзажот.
Можноста да ја видиш уникатната комбинација од големи водни протоците, стрмни карпести падини и безброј расфрлани островчиња е искуство што се памети цел живот.
