Британка украла 170.000 фунти од својот шеф за да може да си ја дозволи венчавката од соништата...

Кристи Лејн (29) по секоја цена сакала луксузна церемонија за венчавање, но немала доволно пари. Затоа одлучила да го ограби својот шеф, Питер Сатон, кај кого работела како сметководителка.

Кристи „здиплила“ 170.000 фунти за нејзиниот ден од соништата да биде „украсен“ со бел ролс-ројс, огномет, гудачки и дувачки инструмент, магионичари, отворен бар... Сето тоа би поминало незабележано, да не му се јавела на шефот и да не го повикала да им се придружи во свеченоста.

„Некое време бев загрижен затоа што сфатив дека пари исчезнуваат од фирмата, и истрагата беше во тек. Но кога дојов на венчавката на Кристи, очите ми се отворија“, рече шефот за британскиот печат.

Помеѓу другото, Кристи пари потрошила и на фустаните за нејзините деверуши, а на своите најдобри пријателки им поклонила и по еден iPad.

Шефот веднаш ја пријавил невестата, и полицијата ја уапсила пред да може да збрише на меден месец во Мексико.

„Нејзината неконтролирана алчност за малку ќе ме чинеше цела фирма. Не можам да сфатам како можеше да се однесува така непромислено“, рече Сатон.