Брук Колинс од Алјаска покажала што значи храброста кога со тупаница ја удрила мечката по муцката затоа што и го фатила кучето...

Колинс (22) ги пуштила своите кучиња, Фаџ и Токио, во својот двор во Џуноу на Алјаска, каде често можат да се видат црни мечки како слободно шетаат.

Една од нив излегла од шумата, влегла во градината и го зграпчила нејзиното куче Фаџ. Не размислувајќи за последиците, Брук потрчала кон мечката и со сета сила ја „треснала“ по муцката!

Мечката го испуштила кучето, кое се здобило со полесни повреди, и истрчала назад во шумата.

„Почнав да врескам кога сфатив дека го држи Фаџ во устата, и ни сама не знам како собрав храброст за да потрчам. Ја удрив со сета сила и избега, не смеам ни да помислам што би се случило да останеше, ќе ме растргнеше! Знам дека постапив непромислено, но ми се стемни кога го видов своето милениче во устата на мечката“, рече таа за локален весник.