Лејди Гага се најде на престижната листа на Vanity Fair како една од најиновативните личности во денешно време...

Лејди Гага е именувана како една од 50 најиновативни луѓе во свое време. Имено, Гага се смести на деветтото место на листата New Establishment, која ја составува Vanity Fair. На прво место е Марк Зукерберг, основачот на Фејсбук, а втори на листата се основачите на Гугл, Сергеј Брин и Лери Пејџ. Листата ги слави луѓето кои се иновативни на полињата на забава, инженерство и компјутери.

Гага е деветта на оваа листа, но прва од жените, а на истата се наоѓа по втор пат. Покрај тоа, најмлада е од сите кои се на листата. По неа, на 16 место се наоѓа Џ. К. Роулинг, како втора жена на листата. Освен неа, славните луѓе кои се најдоа на листата на New Establishment се Џад Апатоу, Џеј Зи, Марк Валберг, Ештон Качер и Џастин Тимберлејк.