Зарем не е сон на секое дете својот роденден да го прослави во замок на „вистински“ волшебник? Некои родители тие сонови можат да им ги остварат на децата...

Викторија и Дејвид Бекам на својот најстар син тој сон му го претворија во јаве. Тие одлучиле да го изнајмат замокот на Хари Потер за прославата на 13 роденден на нивниот син, Бруклин.

Најстариот син на славниот фудбалер и поранешната „спајсица“, Бруклин, роденденот ќе го прослави во огромниот замок Олнвик во Нортамберленд, на североисток од Англија, кој го „глумеше“ училиштето Хогвортс во серијалот филмови за волшебникот Хари Потер.

Огромната зграда ќе биде посебно преуредена за оваа прилика за што се погрижи мама Викторија.

Бруклин е апсолутно воодушевен од Хари Потер. Помислата дека ќе биде на местото каде Хари, Рон и Хермиона со своите другари научиле да играат квидич и да фрлаат магии го исполнува со чиста детска возбуда.

И двата помлади синови на Бекамови се одушевени што ќе поминат време на местот каде „Хари Потер одел на училиште“.

„Нема ништо поволшебно од посета на местото каде магијата навистина се случи“, рече извор близок на Бекамови.