Негативци, убијци и психопати кои ги гледаме на големото платно се разликуваат по „начинот на работа“, агресијата, како се појавуваат... дали вас некој од нив, по некое чудо, ви „прираснал за срце“...?

Кој хорор лик успеал да ви „влее страв во коски“?

Leatherface, убиецот со маска направена од човечка кожа од филмот „Тексашки масакр со моторна пила“, Џон Крејмер, серискиот убиец од „Пила“, Мајкл Мајерс од „Ноќта на вештерките“ или легендарниот Фреди Кругер?

Убиецот кој ги тероризираше тинејџерите во еден американски град, ги прогонуваше во соновите и ги убиваше со метални канџи прицврстени на рацете, прв пат се појави во 1984 година во „Став во Брестовата улица“, а потоа во уште пет продолженија на тој филм.

Се појави и во филмот „Фреди против Џејсон“, каде ги одмери силите со негативецот од серијалот „Петок 13“.

Ги има и „оние“ кои нема да ве преплашат на прв поглед, но по неколку минути ќе ви влеат страв во коски - Антон Чигур, мистериозниот генијалец од филмот „Нема земја за старците“, човек кој фрла паричка за човечки живот, Норман Бејтс од „Психо“, човек кој се облекува како својата мајка која ја убил во напад на бес, а потоа влегува во собите на својот мотел и ги убива гостите, и Ханибал Лектор, брилијантен професор кој „случајно“ е и психопат, канибал и сериски убиец.

Сите овие се легендарни хорор ликови кои ги прогонувале соништата на многу луѓе ширум светот.

Поради кој од нив вие не можевте да заспиете?