Ланецот пицерии Domino's одлучил да ја надмине својата конкуренција и да изгради ресторан - на Месечината...

Всушност, станува збор за јавна војна на Domino's со Pizza Hut кој започна во 2001 година кога од Pizza Hut доставија пица на астронаутите на Меѓународната вселенска станица. Од Domino's одгворија минатата година кога славеа 25 години од своето постоење во Јапонија. Тогаш организираа натпревар во кој победникот ги доставување нивните пици за час време и за тоа беше платен со 33.000 долари.

Но, сега Domino's оди еден чекор понатаму. Ангажирале агенција која им смислила проект за ресторан на Месечината. Фирмата претпоставува дека целиот проект ќе чини околу 13,4 милијарди фунти од што 4,5 милијарди ќе се потрошат на транспорт на 70 тони материјал за градење и опрема за правење пица. За да ги намалат трошоците, во обѕир ја земаат и можноста за користење на природни материјали на самата Месечина.

Проектот вклучува куполест ресторан на два спрата со должина од околу 26 метри, а пиците ќе се произведуваат во подрумот. Од Domino's порачуваат дека уште не го знаат точниот датум на отварање на ресторанот, но дека проектот сигурно ќе се оствари затоа што очекуваат дека во иднина на Месечината ќе живеат се повеќе астронаути, и подоцна и граѓаните на Месечината кои ќе мораат да јадат, а тие ќе им осигурат бесплатна достава на домашна адреса.