Ли Хадвин (37) од Велика Британија е сликар, но само кога спие...

Ли Хадвин преку ден е „нормален“ човек како и сите останати. Тоа по што Ли се разликува од останатите, доволно за да се прочуе за него, е неговото „креативно месечарење“.

Кога ќе заспие, Ли го зема моливот, четкичката, боите... и создава.

„Имав 16 години кога дознав дека ‘нешто не е во ред’. Спиев кај еден другар, а кога се разбудив неговата мајка ми кажа дека сум им ја исцртал целата куќа“, пишува на сајтот на уметникот.

Хадвин вели дека преку денот, поточно додека е буден, „нема врска од сликање“, но затоа кога ќе потоне во длабок сон, станува уметник.

„Многу пати ме имаат прашано што мислам за своите дела и што тие значат, но јас ни сам не знам дали сум ги насликал“, рече Хадвин за BBC.

Иако признава дека (свесно) нема склоност кон било каков вид уметост, „месечарот“ добива одлични критики.

Погледнете како тој „спие“.