Жител на Канада останал со празни џебови и нашол помалку необичен начин за плаќање на сметката во ресторанот...

21 годишниот Кори Хендерсон излегол во петок навечер од ресторанот Browns Social House во северен Ванкувер на западот од Канада, не плаќајќи ја сметката од 38 долари, на што келнерот тргнал по него. Младичот му рекол да ја повика полицијата, додавајќи дека тој ќе биде во бензинската од спроти.

Неколку минути подоцна, полицијата во северен Ванкувер примила повик за криминал на истотот место. Хендерсон, заканувајќи му се на работникот на бензинската, заминал од благајната со парите, соопштува полицијата.

Како што ветил, младичот се вратил во ресторанот, ја платил сметката, по што се предал во рацете на полицијата, пишува во соопштението.

Хендерсон е обвинет за кражба, за „измама за набавување на храна“ и за поседување оружје за извршување на казнено дело. Ослободен е со условна казна, а следната недела повторно мора да се појави на судот.