Германската фирма „Фолксваген“ (VW) е прогласена за најдобара автомобилска фирма за 2010 година, според истражувањето на германскиот центар за управување во автомобилската индустрија (CAM) , со кој се нагласуваат слабостите на нејзините ривали - јапонската „Тојота“ и американскиот „Џенерал моторс“ (GM)...

VW за прв пат стигна на врвот на листата на тој високо ценет институт со седиште во градот Бергиш Гладбах во западна Германија.

Ранг листата, која е објавена во германскиот дневнен весник Welt, покажува дека VW се нашол пред гермаскиот ривал „Дајмлер“, јужнокорејскиот „Хјундаи“ и уште една германска компанија, BMW.

„Тојота“ во 2009 година беше на водечкото место, но минатата година имаше проблеми со квалитето на своите автомобили така што оваа година го зазеде дури осмото место, пред јапонскиот „Нисан“ и американскиот GM кој се оправува од банкрот.

Во рангирањето се земени во обѕир финансиските резултати од секоја фирма, нивниот дел на пазарот и капацитетот за инвации.

Групацијата VW, која произведува девет марки на автомобили, вклучувајќи ги „ауди“ и „шкода“, нуди широка лепеза на возила и многу е добро позиционирана во Кина, најголемиот светски пазар за автомобили.

Таа германска автомобилска фирма се надева дека до 2018 година ќе стане најголемиот светски произведувач на автомобили.