Високата цена на златото натера многу јапонци да ги пребараат своите лични работи и да ги продадат оние кои веќе не им се од корист...

Меѓу разниот накит кој 68 годишната Кеико Адачи го донела кај токискиот брокер за злато бил и златниот заб на нејзината покојна мајка. Рекордните цени на златото се предобра шанса за да се пропушти.

„Извини, мамо, но тебе повеќе не ти треба“, промрорила. „Дошдов да го продадам тој нејзин заб затоа што за мене навистина не е од никаква корист“, кажала Адачи која за златниот заб, два прстени и приврзок добила околу 210 долари.

Адачи рекла дека високите цени на златото ја натерале да ги пребара работите кои и ги оставила мајка и, која умрела пред 11 години. „Мислев дека никогаш нема да го продадам. Не ни размислував за тоа додека цената на златото не скокна волку многу“.

Цените на златото веќе неколку месеци се рекордно високи. Во Јапонија, еден грам злато вреди (61,6 долари) што е најголема вредност уште од септември 1980 година. Поради тоа многумина ги пребаруваат орманите и старите кутии за да ја искористат шансата и да се обидат да заработат.

Дури ни поранешните монаси не се имуни на материјалните искушенија. Таико Ниномија, поранешен будистички монах донел златен кип од Буда кој му го остави покојниот татко.

„Цените на златото се пораснати за четири пати. Поради тоа почесто размислував и ја споредував неговата вредност во пари и духовната вредност, тоа што за мене претставува. Или ќе заработам за четири пати или ќе го однесам назад дома и ќе го ставам на олтарот“, рекол Таико.

Вработените во Gold Plaza велат дека не се види крај на поплавата муштерии кои доаѓаат да го продадат златото.

„Ако цената на златото не престане да расте, тоа ќе потрае“, рече брокерот Коу Шукури и додаде дека секој ден имаат стотина муштерии.