Оваа бесмислена реченица можете да ја изговорите само тогаш кога вашите деца - кои, за жал, така се викаат - ќе се степаат...

Фејсбук, Лејди Гага, Месечина, Will.I.Am, се само некои од имињата кои ги добиваат децата ширум светот благодарение на своите блесави родители.

Пред неколку месеци еден пар од Египет своето дете (ќерка) ја крсти Фејсбук „во чест“ на социјалната мрежа која одиграла значајна улога во повикување на жителите на неговата земја на револуција, а сега британецот Ијан Кларк (36) го крсти својот син Will.I.Am по фронтменот на групата Black Eyed Peas. За работата да биде уште полоша, тој веќ еима ќерка која се вика Меги Мејзи Лејди Гага.

„Се обидов да го убедам сопругот да не му го дава името Will.I.Am на детето, но одлучи да го слушне името кое нашата ќерка го смисли за братчето“, рече мајката на Лејди Гага и малиот „Вилијам“.

„Неверојатните“ имиња кои ги добиваат малите ширум светот станаа тренд откако познатите почнаа своите деца да ги крстат своите деца со необични имиња - Гвинет Палтроу и Крис Мартин имаат ќерка Јаболка и син Мојсеј, синот на Мет Белами од бендот Muse се вика Бингам, синот на басистот од бендот U2, Адам, се вика Аудио Наука Клејтон додека ќерката на Френк Запа се вика Месечина Запа.