Возрасни брат и сестра ја тужат мајка им на суд поради погрешна роденденска честитка, купување на ефтина облека и полициски час...

Стивен (23) и Кетрин Мајнер (20) од Илиноис ја тужеа својата мајка Кимберли на судот поради нанесена душевна болка и лошо постапување.

Меѓу нејзините „престапи“ наведени во судските документи, се и барање попуст при купување облека за деца, одлучување да ги носи на мотошоу и ѕвонување преку телефон кога ќе задоцни да се врати дома од журка.

Стивен посебно наведува дека претрпел неискажлива душевна болка кога мајка му за роденден му купила „обична“ честитка и дека во неа не ставила ни пари!

„Честитката на себе имала нацртано домат, и пишувало - ‘сине, оваа честитка е како тебе, различна од сите други’. Меѓутоа, кога клиентот ја отворил, внатре немало ниту цент“, наведуваат адвокатите на налутените брат и сестра.

Судот го отфрли случајот, а на „тужителите“ им порачаа да пораснат веќе еднаш!