Секој маж поседува природен детектор за лаги - очите. Само треба да научи да ги користи на вистинскиот начин. Советите на поранешен FBI агент можат да помогнат...

„За да ги откриете знаците на измама, поставувајте и прашања и барајте го било кој од овие знаци. Тоа се биолошки трикови кои постојат благодарение на инстинктот за преживување и потребата да се заштити себеси“, вели Џо Наваро за Men's Health, поранешен FBI агент и професионалец за невербална комуникација.

ГИ ПРЧИ УСНИТЕ

Ако нејзините усни се стиснати или се во положба како да сака да ве бакне, тоа е показател за стрес. „Овој гест го користиме оддамна, а сме го наследиле од мајмуните“.

ГО СОБИРА НОСОТ

Замислете некој да ви турка порција со нешто одвратно под носот: ќе направите гримаса и ќе го соберете. Па, луѓето реагираат на ист начин кога ќе се сретнат со нешто непријатно, како прашање кое погодува во нервот.

СЕ ЧЕПКА ПО ВРАТОТ

Кога жената се чувствува загрозена, често го допира вратот. Тоа е физички ранлив дел од телото. „Играњето со ланчето го има истото значење. Во случајот на мажите, тоа е допирање на краватата“, вели Џо.

ГИ КРЕВА РАМЕЊАТА

Наваро тоа го нарекува „ефектот на желка“. Кревањето на рамењата за време на разговорот покажува дека соговорникот не е искрен.

ГО ПРОЧИСТУВА ГРЛОТО

Доколку зататка, тоа ништо не докажува. Но, ако гласот и стане потенок и одговорот на прашањето започнува со прочистување на грлото, можеби нешто не е во ред.

ГИ ТРИЕ ОЧИТЕ

Ако почне да ги трие очите со палецот или показалецот, таа несвесно се обидува да го блокира тоа што го гледа. Ова е очигледно дури и кај слепите луѓе кога лажат.