Шест руски и украински туристи потрошиле „мало богатство“ во ноќен клуб во Сардинија, а потоа се обиделе да избегаат...

Туристи, во главно деца на руски и украински богаташи, поминале неколку „скапоцени“ часови во ноќниот клуб „Милијардер“ во Сардинија, чиј сопственик е директор на Формула 1, Флавио Бријаторе.

Во тие неколку часа „децата на мама и тато“ направиле сметка од 86.000 евра, а кога дошло време да се плати рекле дека немаат пари кај себе.

Иако немале доволно голем „џепалак“ да ја платат сметката, тоа не им пречело пред тоа добро да си поминат и притоа да истурат 90 шишиња скапоцено шампањско - поливајќи се меѓусебе.

Меѓутоа, Бријаторе не сакал да им ја прости сметката на богатите деца, па ги пријавил во полицијата, и веднаш по пренесување на пријавата на негова сметка стигнале 86.000 евра, колку што чинел долгот.

„Се исплати. Веднаш по уплатата ја повлековме пријавата“, изјави помошникот на Флавио Бријаторе, Паоло Азара.

Тој додаде дека децата се обиделе да преговараат и да бараат попуст од 36.000 евра на целата сметка, но на управата и сопственикот на клубот не им паѓало на памет да им излезат во пресрет.