Кубански селанец, кого почнале да го викаат Громобран, во последните 18 години преживеал дури шест удари од громови, при што се здобил со полесни или потешки повреди...
62 годишниот Хорге Маркез кој живи во Ла Хулија, во покраината Лас Тунасу, 650 километри од Хавана, прв пат бил погоден од гром на 5 јуни 1982 година, додека возел трактор.
„Се вкочанив и паднав, од силината на звукот ми пукнаа ушните тапанчиња и некое време не можев да мрдам со десната рака“, раскажа селанецот кој покрај тоа се здобил со опекотини по грбот и черепот, а му паднале и пломбите од забите. Громот му го оштетил тракторот.
Од гром страдал уште два пати во 1987 година, потоа во 1991 година, па во 1998 година и на 13 јуни 2005 година, и тоа во својот дом. Никој не успеал да протолкува зошто толку ги привлекува громовите. „Пред да умрам би сакал некој темелно да ме прегледа во врска со тоа“, рече тој.
Кога го прашуваат дали се плаши дека гром ќе го удри уште некој пат, одговара: „Се разбира дека се плашам! Секој пат кога ќе почне да врне, му ја ветувам душата на Бог.“
