Што и да ве „снајде“, да знаете дека ви се смешка по некој килограм...

Стапувањето во брак и разводот можат да бидат причина за добивање во тежина, открива новото истражување.

Американските истражувачи од Државниот универзитет во Охајо утврдиле дека жените и мажите обично се здебелуваат по судбоносното „да“ или разводот, посебно за време на првите две години од почетокот, односно крајот на бракот.

Според истражувањето со кое биле опфатени повеќе од 10.000 луѓе, жените имаат поголема шанса да се здебелат по венчавањето, а мажите по разводот.

Имено, жените имаат тенденција да се „опуштат“ во бракот, додека оженетите мажи во главно остануваат во форма. Нивните проблеми со килажата обично настануваат по разводот, кога се приморани да се грижат сами за себе, да го променат начинот на живот и исхраната.

Водичот на истражувањето, Димитриј Тумин, објаснува дека бракот и разводот делуваат како шок на организмот, што може да доведе до добивање на тежина, па дури и до дебелост што во поединечни случаи претставува ризик за здравјето.