„Јас сум вистинска вампирка и зависна сум од човечка крв“, вели за себе 37 годишната Лилит Десидерија од Берлин...

Berlin Kurier ја пренесува бизарната приказна за трансвеститот Лилит, кој уште на само 13 годишна возраст, развил „жед“ за човечка крв. Тогаш прв пат, уште како момче, вкусил човечка крв, за време на сексуален однос со поранешен партнер.

„Бевме прегруби и тој се повреди, а јас тогаш прв пат вкусив крв. Мојот свет се промени и моите сетила станаа посилни. Подобро слушав и гледав во црвена нијанса. Чувствував како да сум обвиткана во мека волна“, им ја раскажа на новинарите својата бизарна приказна таа „вампирка“.

Пред новинарите демонстрирала и како ја згаснува својата жед со својата 28 годишна девојка Арканија. Со жилетот и сече рана, а потоа и ја цице крвта. „Има метален вкус. Чувствувам само апсолутна тишина и мир. Како дрога е, само многу поинтензивно“, заклучува Лилит.

Живее во мал стан во Берлин, кој е накитен со сатанистички симболи, а во собата има и црн олтар со црни свеќи.