Италијанските домаќинки се „најочајни“ во Европа, со стапка на незадоволство многу повисока од француските и германските колешки, според најновото истражување на здружението Жените и квалитетот на животот кое испрашало повеќе од 4000 европјанки...

Стапката на незадоволство на италијанските домаќинки изнесувала 76% оваа пролет, во пораст за 2,5% за само година дена, според студијата која како причина го наведува порастот на животните трошкови и низата владини мерки за штедење кои ја сечат помошта на семејствата. Во областа на незадоволството, италијанките се значително пред шпанските домаќинки, каде има 63% незадоволни, па следат французинките (57%), британките (51%) и германките (47%).

Прва причина за загриженост на испитаничките е економската криза и намалената куповна моќ за 46% од испитаните жени. Втора причина е отсуството на социјална помош за семејствата (24%), недостатокот на расади (23%) и здравствената структура (21%). Жените се толку незадоволни со својот живот, што дури 50% тврдат дека не би се омажиле кога би можеле да тргнат од почеток, а две од три не би имале деца.

Во Италија стапката на наталитет изнесува 1,4 деца по жена, (една од најниските во Европа), само една од две жени работи (59 во ЕУ), иако во просек се пообразовани од мажите.