Крадец на лаптоп на најтежок начин дознал дека не смее да краде компјутер од професионалци за компјутерска безбедност...

Една од жртвите на неодамнешните нереди во Лондон е и професионалецот за компјутерска безбедност и поранешен вработен во FBI и NASA, Грег Мартин, кој, за среќа, не страдал физички, но ограбувачи му влегле во станот и, меѓу другото, го украле и неговиот лаптоп.

Тој на својот блог (InfoSecurity 2.0) напишал дека ограбувачите на сметале дека тој е подготвен за такви ситуации и дека на компјутерот има инсталиран софтвер за следење Prey кој овозможува следење на компјутерот и телефонот и помага во нивното наоѓање во случај сопствениците да ги изгубат.

Единствено од што се плашел било дека крадците ќе ја обесхрабрат лозинката при логирање на компјутерот, но кога по два дена крадецот конечно го вклучил лаптопот, направил нов администраторски акаунт така што лозинката на Мартин не му била потребна.

Кога крадецот го вклучил лаптопот, Грег за тоа бил известен преку e-mail и, со оглед на тоа дека бил на службен пат, веднаш побрзал во хотелската соба и ги следел интернет страниците на кои крадецот сурфал од украдениот лаптопт и му биле потребни само два часа за да ги собере сите важни докази против него.

Најважните податоци били они од Фејсбук профилот на крадецот, па така Мартин, меѓу другото, го дознал неговото име, презиме и адреса и веднаш за тоа ја известил полицијата во Лондон, а им пратил и негови слики - оние кои сам ги сликал со веб камерата на лаптопот и оние од неговиот Фејсбук.

Се покажало дека тие информации навистина се точни и полицијата провалила во станот на 18 годишниот Соеил Калифар каде што го пронашле украдениот лаптоп и му го вратиле на сопственикот. Повеќе информации, како и слики од крадецот погледнете на блогот на Мартин.