Во 2015 година земјаните ќе гаѓаат во астероид за да го исфрлат од орбитата...
Земјаните конечно ќе ја добијат својата шанса и во реалниот живот да го тестираат она што се играше во филмот "Армагедон", во кој Брус Вилис ја спасува Земјата од смртоносен удар со голем астероид.
Во проектот Don Quijote веќе во 2015 година Земјаните ќе се обидат да ја сменат орбитата на астероидот Aphopis за кој постои шанса 1:250.000 да удри во Земјата во 2036 година.
Европската вселенска агенција кон него ќе упати две летала. Првото, наречено Hidalgo, кое ќе тежи повеќе од еден и пол тон, ќе има за цел да удри во астероидот и да го пренасочи. Леталото ќе биде испалено кон астероидот со брзина од 36.000 километри на час.
Другото летало е наречено Sancho, според Don Quijote, ќе собира и ќе анализира податоци, кои ќе послужат за евентуална подготовка за следната таква мисија.
Иако можеби би било послесно само да се разнесе астероидот, таквата акција би предизвикала формирање на големи количества отпад кој би паднал на земјината површина, пишува Daily Telegraph.
Веста за овој проект излегла откако НАСА вчера морала да ги запре стравовите дека кометата Еленин ќе удри во Земјата.
