Спроведеното истражување покажало дека третина од младите корисници глумат дека зборуваат на мобилен за да избегнат разговор со некој „во живо“...

Pew Internet & Аmerican Life проектот ги објавил резултатите од истражувањето кое е спроведено меѓу корисниците на мобилни телефони во САД и кое ни открива некои интересни навики на корисниците на мобилни телефони во Америка, а поголемиот дел од тоа истражување веројатно може да се примени и на други земји.

Ова истражување ни покажа дека околу 13% од корисниците на мобилни во барем еден пат глумеле дека зборуваат на телефон за да избегнат разговор „во живо“ - а тоа најмногу се однесува на популацијата меѓу 18 и 29 години, каде што таа бројка се качува дури на 30%.

Колку сме станати зависни од мобилните телефони најдобро зброува податокот дека повеќе од четвртина од испитаниците за време на минатиот месец имале проблеми со извршување на задачите кога немале мобилен телефон покрај себе, односно тој проблем го имале 42% од младите на возраст меѓу 18 и 29 години.

Исто така, мобилните телефони се многу важни и при некои итни ситуации и 40% од испитаниците се нашле во некој вид итна ситуација во која им помогнал токму мобилниот. Американците своите телефони најмногу ги користат за праќање SMS пораки и фотографирање - вкупно 73% од нив, додека останатите популарни активности се праќање фотографии и видеа, а се попоуларно е и сурфањето по интернет (44%).

Што се однесува до паметните телефони, нивниот удел е се поголем и веќе сега ги користат 35% од возрасните Американци (во истражувањето учествувале само личности постари од 18 години) и на нив е популарно да се праќаат пораки, да се фотографира, да се праќаат слики и видеа, а најголем дел од мобилниот интернетски трафик исто така отпаѓа на паметните телефони.

Освен сето набројано, по телефоните често посегнуваме кога ни е здодевно и кога сакаме да се забавиме - што е карактеристично за 72% од возрасните личности помлади од 29 години, односно за 42% од сите корисници на мобилни.

Сепак, без оглед на тоа што сме толку навикнати на нашите телефони и што многумина повеќе не можат без нив затоа што, освен за текстуална и говорна комуникација, им служат и како музички плеер, фото апарат, видео камера, навигација, алатка за пристап до интернет, социјалните мрежи и е-mail, речиси третина од испитаниците повремено го исклучуваат телефонот за малку да се одморат од него, а интересно е што оваа бројка е од прилика еднаква и за корисниците на обични и на паметни телефони.