Русија планира да изгради хотел во вселената кој би можел да прими седум гости во четири кабини и кој ќе има огромни прозорци низ кои ќе може да се гледа Земјата...

Самото заминување во хотелот ќе биде авантура, бидејќи ќе бидат потребни два дена пат во Сојузна ракета. Патот ќе чини 500.000 фунти, додека уште 100.000 фунти ќе бидат потребни за петодневен престој во хотелот.

Хотелот - Комерцијална вселенска станица - би требало да биде отворен во 2016 година и ќе биде поудобен од Меѓународната вселенска станица која ја користат астронаутите и космонаутите.

Во бестелесна состојба, посетителите ќе можат да бираат дали ќе користат кревети кои стојат вертикално или хоризонтално.

Туристите ќе јадат храна подготвена на Земјата, која во хотелот ќе ја подгреваат во микробранова печка. Планот е од исхраната да се изфрлат хранливи пасти кои им се даваат на астронаутите и да се заменат со вкусни печива, пиреа, супа од домати и компот од сливи.

Водата, соковите и чаевите ќе бидат достапни, додека алкохлот ќе биде строго забранет. Тоалетите ќе користат воздух наместо вода, а водата ќе се рециклира.

Извршниот директор на Orbital Technologies кој го гради хотелот Сергеј Хостенко, рече дека хотелот нема да потсетува на Меѓународната вселенска станица, туку дека ќе биде удобен и ќе пружа убав поглед на Земјата.

„Хотелот ќе биде наменет за богати посетители и луѓе кои работат за приватни компани и кои сакаат да истражувааат во вселената“, рече тој.

Во случај на криза, хотелот ќе послужи и како прифаќалиште за астронаутите на Меѓународната вселенска станица.