Летот на релација Стокхолм - Чикаго е суспендиран денеска поради глувчето кое трчало по подот на авионот Airbus 330, кој има капацитет за 330 патници, пред тие да почнат да се качуваат на авионот...
Глувчето, според наведувањата на BBC, избегнало да биде фатени, покрај „големата потера“ и напори, а се сокрило некаде во внатрешноста на авионот.
Летот е одложен бидејќи присуството на глувче во авионот можело да ги вознемири патнициите, но и да ја загрози сигурноста, затоа што, како што се наведува, можело да ги прегризе каблите.
Така, малото суштество задржало 250 луѓе подготвени да полетаат кон Стокхолм.
Авиокомпанијата SAS не успеала да најде друг авион поради што патниците чекале повеќе од пет часа.
Ова не е прв пат глувче да направи вакви проблеми.
Во 2009 година се забележани два такви случаи кога авионите на Delta Airlines, кои биле упатени на релација Њујорк - Лондон, останале приземјени, затоа што во нив биле забележани глувчиња.
