Дека жените сакаат да озборуваат на сите им е познато, но дека на тоа потрошуваат пет часови дневно, не знаевме...

Меѓу десетте омилени женски теми се туѓите проблеми, љубовните врски, диетите, патувањата, правењето ручек, децата, сексот, шопингот, здравствените проблеми и ТВ сапуниците, покажа истражувањето на британската ампанија Frost Cape.

Истражувањето исто така покажало дека жените за вишокот килограми или бројот на облека кој го носат, во просек разговараат под 23 минути дневно.

За тоа најмногу разговараат со пријателките, додека со мајката, партнерот или најдобрата пријателка зборуваат за некои други теми.

На дечкото или на мажот, на пример, му раскажуваат како го поминале работниот ден, а на најдобрата пријателка ќе и ги пренесат „сочните“ трачеви.

„Жените се познати по тоа дека сакаат и умеат добро да комуницираат, а мажите се едноставно фасцинирани од темите на кои тие зборуваат“, вели Стив Бартон, претставник на компанијата која ја спроведе оваа анкета.

Истражувачите не се занимавале со мажите и со тоа колку тие трошат време на озборување, но веруваме дека резултатите исто така би биле интересни.