Иако на прв поглед изгледа како некое место од друга планета, овој неверојатен гејзир навистина постои на Земјата...

Гејзирот Флај се наоѓа во Невада, но не е достапен за јавноста. Интересно е што се наоѓа на приватен имот, а сопственикот не сака да го продаде иако понудите се бројни.

Но, иако не е овозможен пристап до гејзирот, истиот може да се види од далеку. Тоа што го прави уште поинтересен е тоа што е настанат од човечка рака! Се почнало во 1916 кога земјосопствениците одлучиле среде пустина да создадат услови за земјоделство. За време на потрагата по вода не го очекувале тоа што го нашле - бунар со силен млаз топла термална вода.

Од изворот течела вода се до 60-тите години кога ископале нов отвор. На површината на новиот гејзир се таложат слоеви кал на кои се наоѓаат разнобојни организми кои придонесуваат за ваквиот спектакуларен изглед.