Еден американски уметник направил портрет од починатата пејачка од пилули против болки...

Џејсон Месије се прославил со портрети на познати личности кои се бореле со зависноста или умреле од преголема доза дроги или лекови. Своевремено ги направил портретите на Мајкл Џексон, Хит Леџер, Кели Озборн, Кортни Лав и други.

Портретот на Ејми Вајнхаус со димензии од 43 на 78 сантиметри, е направен од 5.000 шарени пилули против болки.

Покрај сликата од пилули, Месије правел и портрети од ѓубре и отфрлени работи, па така пред две години од ѓубре направи слика од Лејди Гага.

Ејми Вајнхаус е пронајдена мртва во својата куќа пред неколку недели, а причината за смртта се уште не е официјално обелоденета.