Маж кој доживеал сообраќајна несреќа одвај ги убедил полицајците дека на автомобилот му паднала крава...

Роберт Голд (24) возел по патот во Чедлтон во својот Citroen, кога крава од блиската фарма од непозната причина ја прескокнала оградата повисока од еден метар и се срушила на предниот дел од неговиот автомобил.

Запрепастениот возач чиј автомобил претрпел огромна штета почнал да кривули по патот, се лизгал и одвај застанал осумдесетина метри понатаму. Веднаш ја повикал итната помош, но не наишол на разбирање од страна на полицајците.

„Стигнаа брзо, ме сослушаа со иронични насмевки и ми дадоа да дувам во балон за алко-тест. Бидејќи немам лижнато ниту капка алкохол, тестот беше негативен, а ми поверуваа дури кога се вративме назад по патот“, рече навредениот Голд.

Полицајците му се извиниле, а утврдено е дека кутрата крава, која погинала на лице место, се обидувла да избега од фармерот, но се уште не е јасно како успеала да ја прескокне оградата.