За разлика од нормалните оптички дискови, чија основа е покриена со рефлективен слој, записите на M-Disc, се прават на површина слична на камен...

Ако сепак, верувате во иднината на форматите на оптички дискови, тогаш развојот наречена M-Disc дефинитивно ќе ви заинтересира.

"Камениот" M-Disc e плод на заедничките напори на компаниите Millenniata и LG. За разлика од нормалните CD-a, чија основа е покриена со рефлективен слој, записите на M-Disc се прават на површина слична на камен.

На сличен начин се направени и првите музички записи во светот. Кај нив шемите на звучните бранови биле запишани на цилиндрично парче восок.

Трагите на M-Disc се постојани, што значи дека во теорија можат да останат погодни за читање на неопределено време. Покрај тоа, дискот на Millenniata е толку отпорен на екстремни температури, што и потопување во врела вода или во течен азот не би му нанеле серизони штети.

M-Disc ќе може да биде прочитан од секој стандарден DVD плеер. Тој е компатибилен, дури и со постарите модели CD читачи. Капацитетот на M-Disc е 4,7 GB, но во моментот на него може да се запишува само на брзина од 4x, иако инженерите работат на постигнување на брзина 8x. Очекувањата се "вечниот" диск да се појави на пазарот во октомври по цена од 3 долари за парче.