Британските одбојкарки „изнајмуваат“ рекламен простор на долните делови од своите костими за капење...

Шона Малин и Зара Демпни, кои се шампионки во одбојка на плажа, потпишале договор за рекламирање на QR кодот, односно, баркод кој на сопствениците на паметни телефони им овозможува со фотографирање на кодот автоматски да пристапат до одреден сајт.

Овој код ќе биде испринтан на долните делови од костимите за капење кои ќе ги носат овие две спортистки, а за да пристапат на сајтот, набљудувачите на нивните утакмици ќе мораат да им го фотографираат задникот.

„Интересирањето за одбојката на плажа е огромно, па сакавме да го добиеме максималното внимание од публиката“, рече Енди Лалам од кладилницата Betfer, која ќе се рекламира на „ексклузивното“ место.