Индискиот офталмолог д-р Чандрашехар Чаван создаде контактни леќи за богати со вградени 18 дијаманти...

Идејата за чудниот додаток му паднала на ум на индиецот откако неговата сопруга си вградила дијамант во еден од предните заби. Д-р Чаван ги користел леќите Boston Scleral, кои се применуваат при очни заболувања.

Дијамантите се вградени врз круг од жолто и бело злато. Цената изнесува 15.000 долари. Ќе бидат произведени 3996 пара од овој луксузен додаток.

Д-р Чаван се надева дека холивудските актери ќе се заинтересираат за новиот производ и ќе ги направат дијамантските леќи моден тренд. Американските специјалисти  предупредуваат дека најверојатно леќите ќе бидат забранети во САД од здравствените власти, затоа што можат сериозно да го повредат здравјето на суетните купувачи.