Во еден британски паб избил хаос кога шанкерката, бесна што останала сама во кафаната, заминала и ги оставила муштериите сами да се снаоѓаат...

Барот Perseverans во Хавант, на југот од Англија на нов начин го дефинираше happy hour (среќен час), кога на гостите им било дозволено сами да си ставаат пијалок во количината која ја сакаат, а за тоа да не мораат да платат ниту пени.

Шанкерката, чие име не е соопштено, останала сама во сабота навечер, откако неколку келнери не се појавиле на работа, а газдата заминал во друга кафана. По неколку часа „жонглирање“ со муштериите и нивните нарачки, таа се налутила и заминала, преходно собирајќи ги сите пари од касата, за гостите да не се „послужат“ и со парите.

„Во пабот настана хаос! Десетина луѓе влегле во шанкот и тргнале како луди да си точат пиво и жестоки пијалоци. Никој не остави ни скршена паричка, а веселбата траеше со часови“, рече еден од посетителите.

Шанкерката следниот ден му го вратила пазарот на газдата, но била отпуштена затоа што пабот претрпел штета од неколку илијади фунти.